Лицейде білім беру үдерісін ұйымдастыру Қазақстан Республикасының Білім және ғылым министрлігі Қазақстан Республикасының орта білім берудің мемлекеттік жалпыға міндетті стандарты, негізгі және жалпы орта білім беру мемлекеттік жалпыға міндетті білім беру бағдарламасын іске асырады. Сәйкесінше  «БІЛІМ ИННОВАЦИЯ» халықаралық қоғамдық қоры тарапынан құрастырылған және Мекеменің басшысы бекіткен оқу жоспары жүзеге асырылады.

Орыс сыныптарда орыс тілі мен әдебиеті, дүниежүзі тарихы, Қазақстан тарихы, география, құқық негіздері, өзін-өзі тану, дене шынықтыру, көркем еңбек пәндері орыс тілінде жүргізіледі. Математика, физика, химия, биология және информатика пәндері ағылшын тілінде жүргізіледі. Қазақ, ағылшын және түрік тілдері.

Лицей білім беруде мынадай жалпы білім беру бағдарламасын іске асырады. Білім беру мемлекеттік, ағылшын және орыс тілдерінде жүргізіледі.

Қазақ сыныптарда:

CLILL дегенімі не?
CLIL (Content and Language Integrated Learning немесе пәндік-тілдік кіріктірілген оқыту) – арнайы пәндерді ағылшын тілінде оқыту үдерісінде пәндік-тілдік интеграцияланған оқыту.
CLIL технологиясы-
– белгілі бір пән саласында білім-білік, дағды қалыптастырады;
– ағылшын тілінде пәннің мазмұнын, сол пәнге қатысты тақырыпты меңгертеді;
– ағылшын тілінде пәнге байланысты танымдық және ойлау қабілеттерін дамытады;
– тілдік ортаға толық енгізеді.

Жыл сайын лицейлерде белсенді түрде барлық пән бойынша жобалық қызмет қолданылады, әсіресе, жаратылыстану-математикалық циклі бойынша. Project Based Learning (PBL) – оқушыларға жобаға негізделген білім беру жүйесі болып табылады.

Халықаралық стандарттарға сай ағылшын тілі деңгейін көрсететін емтихандар бар. Олар  CEFR (стандарт) бойынша KET, PET, FCE емтихандары. Лицейде 7-сыныптар үшін KET емтиханына, 8 және 9-сыныптар үшін PET емтиханына дайындық  жүргіземіз, қосымша сабақтар ұйымдастырамыз. Қазақстан бойынша барлық лицейлер арасында жылына 2 рет емтихан өтеді. Соңғы үш жылда  біздің лицей KET  нәтижесінен де,  PET нәтижесінен де  алғашқы үштік, оның ішінде ІІ орынды тұрақты түрде иеленіп келеді. 10 – сыныптарда IELTS емтиханына дайындық сағаттары оқу жоспарына енгізіліп,  жүйелі сабақтар жүргізіледі. Жыл сайын оқушыларымыз  IELTS емтиханының  жоғары көрсеткіштеріне ие  болып жүр.

Еңбек тәрбиесі (7 сынып)

Оқушылар бойында еңбек түсінігін қалыптастыру. Адам өміріндегі еңбек әрекетінің маңызын және мақсатқа жетудің негізгі құралы екендігін ұғындыру.

Оқушылардың ерекшеліктерін, білімін, қабілеттерін және қызығушылықтарын анықтау (сауалнама алу, ата-анасымен сұхбаттасу, оқушымен жеке жүздесу және т.б.);

• Қабілеттерін және білімін дамытуға жағдай жасау (пәндік олимпиадаға дайындау, үйірмелерге бағыттау,  спорт, шығармашылық, интеллектуалдық сайыстарға қатыстыру және т.б.);
• Оқушылардың академиялық үлгерімін әрдайым назарда ұстау (қосымша сабақтар алуы, этюдтарға толыққанды қатысуы және т.б.);
• Ағылшын тілін дамыту – KET(CEPT) (оқылым, жазылым, айтылым, тыңдалым дағдыларын қалыптастыру);
• Математикалық сауаттылығын арттыру;
• Кітап оқуға дағдыландыру (әсіресе ағылшын тілінде).

Кәсіптік ақпарат (8 сынып)

Оқушыларды кәсіп пен мамандық жөнінде жан-жақты мәліметтермен таныстыру.

• Мектепішілік мамандықтар көрмесі;
• Өндіріс орындарына саяхат, экскурсиялар;
• Мамандармен жұмыс орнында кездесу ұйымдастыру;
• Сынып(тәрбие) сағаттары;
• Мамандармен кездесу;
• Мектеп қабырғасында мамандықтар бұрышын жүргізу;
• Ағылшын тілін дамыту – PET(CEPT)(writing, listening, reading and speaking);
• Математикалық сауаттылығын арттыру;
• Кітап оқуға дағдыландыру.

Кәсіптік ақыл-кеңес (9-11 сынып)

Оқушылардың назарына сұранысқа ие мамандықтарды ұсыну. Мамандықтар талап ететін арнаулы білім, еңбек дағдылары және іскерлік әрекеттерімен таныстыру.

• Өз ісінің мамандарымен кездесулер (success stories, talk-show, master class, educational trips, Ted talks, Pecha Kucha, seminars);
• Оқушыларға мамандық және ЖОО таңдауға байланысты таныстырылым семинарлары;
• Ата-аналарға мамандық және ЖОО таңдауға байланысты таныстырылым семинарлары;
• “Time Management”, “Future jobs and needed skills”, “Адами және ұлттық құндылықтарымыз”, “How To Design Your Circle of Friends”,  т.б. life management тақырыптарында семинар тренингтер ұйымдастыру.

Кәсіптік іріктеу (9-10 сынып) 

Оқушының денсаулығына, мінез-құлқына және интеллектуалдық ерекшеліктеріне байланысты нақты мамандығын анықтау.

• Оқушы ата-аналарымен жүздесу;
• Ата-аналарға бағытталған семинар-тренингтер ұйымдастыру;
• Ата-аналардан арнайы сауалнамалар алу;
• Оқушылардың үйдегі сабаққа дайындық ортасын байқау;
• Оқушыларға семинар, тренингтер ұйымдастыру;
• Оқушылармен жеке сұхбат жүргізу;
• Оқушылардан сауалнама, тест түрлерін алу және нәтижелеріне анализ жасау;
• Оқушыларды эссе жазуға дағдыландыру.

Кәсіптік бейімдеу (9-11 сынып)

Оқушылардың қабілеттері мен қызығушылығының қалыптасуына жағдай жасау. Мамандық иесі болуға бейімдеу.

• Оқушы қабілетінің дамуына ықпал ететін жобаларды зерттеуге және айналысуға бағыттау;
• Мамандығы жайлы жан-жақты ізденуге талпындыру;
• Жоғары оқу орындарының талаптарына дайындалу (Motivation Letter, Essay, Recommendation Letter, IELTS, TOЕFL, SAT, ҰБТ т.б.);
• Грант, стипендия алу мүмкіндіктерін қарастыру;
• Жоғары оқу орындарына қабылдау процесін білу;
• Университеттерге дұрыс таңдау жасауға көмектесу.

«Адам жанын түсіне білу, оны зерттей білу үлкен -өнер» деген XIX ғасырдың белгілі невропатологы, психиатр және психологы Зигмунд Фрейд.

Қазіргі өркендеген қым-қуырт тіршілік пен техника өркендеген заманда, адамның ішкі психикалық әлемі мен рухани дамуын зерделеудің маңызы зор.

Біздің міндетіміз –  оқушыларға сапалы білім, саналы тәрбие беріп, жан сапасын, тән сапасын арттырып, техникалық прогреске сәйкес жан-жақты қолданбалы білім беруге әрқашан көмек қолын созу.

Мемлекеттік психологиялық бағдарламамен қоса, мектебіміз 3 жылдан бері  Wisefull бағдарламасы бойынша жұмыс жасайды.

Wisefull  – бұл халықаралық психология және коучинг орталығы, оның бас кеңсесі Англияда орналасқан. Келесі бағыттар бойынша жұмыс жасаймыз: тренингтер мен семинарлар, коучинг мектептерді психологиялық сүйемелдеу, wunderkind,  диагностика (тесттер)

Бізбен Edupage, сынып жетекшілер арқылы немесе сұрақтарыңыз болса төмендегі почта арқылы байланыса аласыз:

dana.akadilova@bilnurqyz.edu.kz

maira.torebek@bilnurqyz.edu.kz

erkezhan.kadirova@bilnurqyz.edu.kz

Дарынды балалармен жұмыс

Лицей заман талабына сай бәсекеге қабілетті, білімді, ұлттық құндылықтарды бойына сіңірген, еркін ойлай алатын, өздігінен еңбектене білетін жеке тұлғаны қалыптастыру мақсатында дарынды балалармен жұмысты үздіксіз дамытып отырады. Білім алушылардың шығармашылық қабілетін дамыту, зерттеу дағдыларын қалыптастыру, білім жарыстарына қатысу бәсекелестік қабілетін арттыру үшін әр пән бойынша ЖОО-ының үздік ғалымдары, профессор-оқытушылары арнайы дәріс беріп, ғылыми жетекшілік етеді. Лицейде «ШЫҢ» атты оқушылардың ғылыми қоғамдастығы жұмыс істейді. Қоғамдастық құрамына ғалымдар, ғылыми кеңесшілер, лицей мұғалімдері, олимпиадаға қатысатын оқушылар кіреді. Әр пән бойынша арнайы дайындық кабинеттері бар. Оқушылар ғылыми жетекшілерімен қашықтан да білім ала алады.  Халықаралық, республикалық, қалалық деңгейде кезең-кезеңімен өтетін барлық ғылыми жарыстар, пәндік олимпиадаларға мектепішілік іріктеуден өткен оқушылар тізімі бекітіледі. Іріктелген оқушылармен жеке дайындық жұмыстары жасалады.

Дарынды, қабілетті оқушылармен жұмыс істеудің негізгі принципі:

Дарынды балалармен жұмыс Қазақстан Республикасы Президентінің 1996 жылғы 24 мамырдағы № 3002  «Дарынды балаларға арналған мектептерді мемлекеттік қолдау және дамыту туралы» өкіміне сәйкес және Қазақстан Республикасы Үкіметінің 1998 жылғы 24 наурыздағы № 256 «Қазақстан Республикасы Білім, мәдениет және денсаулық сақтау министрлігі жүйесінің ұйымдарын басқаруды жетілдіру жөніндегі қосымша шаралар туралы» Қаулысына сәйкес құрылған Қазақстан Республикасы Білім және ғылым министрлігінің «Дарын»  республикалық ғылыми-практикалық орталығының https://daryn.kz/ және Нұр-Сұлтан қаласы әкімдігінің «Астана дарыны» Дарындылықты дамыту және психологиялық сүйемелдеу орталығы https://astanadaryny.kz/   жұмыс жоспарының негізінде жүзеге асырылады.

Барлық олимпиада, конкурстар Қазақстан Республикасы Білім және ғылым министрінің 2011 жылғы 7 желтоқсандағы № 514 Бұйрығы негізінде жүзеге асырылады. Жалпы білім беретін пәндер бойынша республикалық және халықаралық олимпиадалар мен ғылыми жобалар конкурстарының (ғылыми жарыстардың), орындаушылар конкурстарының, кәсіби шеберлік конкурстарының және спорттық жарыстардың тізбесін бекіту туралы

https://adilet.zan.kz/kaz/docs/V1100007355

ЖАЛПЫ БІЛІМ БЕРЕТІН ПӘНДЕР БОЙЫНША РЕСПУБЛИКАЛЫҚ ОЛИМПИАДАЛАР

Жалпы білім беретін пәндер бойынша 7-8 сынып оқушыларына арналған Республикалық олимпиада

Жалпы білім беретін пәндер бойынша 9-11 (12) сынып оқушыларына арналған Республикалық олимпиада

Жаратылыстану-математика циклы пәндері бойынша Президенттік олимпиада

ҒЫЛЫМИ ЖОБАЛАРДЫҢ РЕСПУБЛИКАЛЫҚ КОНКУРСТАРЫ

Жалпы білім беретін пәндер бойынша 8-11(12) сынып оқушыларына арналған республикалық ғылыми жобалар конкурсы (ғылыми конкурс)

«Зерде» республикалық 2-7 сынып оқушылары арасында зерттеу жобалары мен шығармашылық жұмыстардың конкурсы

ХАЛЫҚАРАЛЫҚ ҒЫЛЫМИ ЖОБАЛАР КОНКУРСТАРЫ (ҒЫЛЫМИ ЖАРЫСТАРЫ

Ө. Жолдасбеков атындағы 11(12) сынып оқушыларына арналған математика және механика бойынша зерттеу жобаларының халықаралық конкурс

«Математика және жобалау» халықаралық конкурсы

«Адам-Жер-Ғарыш» қоршаған ортаны қорғау мәселелері бойынша ғылыми-зерттеу жобаларының бүкілресейлік олимпиадасы

«Ғылым әлемін ашамыз» атты ғарыштық зерттеулер бойынша халықаралық ғылыми конкурсы

«MOSTRATEC» халықаралық ғылыми конкурсы

«INFOMATRIX-ASI» халықаралық ғылыми конкурсы

МАМАНДАНДЫРЫЛҒАН ОЛИМПИАДАЛАР

Қ. Бітібаева атындағы қазақ тілі мен әдебиетінен олимпиада

Қ. Сәтбаев атындағы 9 сынып оқушыларына арналған химия пәні бойынша олимпиада

7-11 (12) сынып оқушыларына арналған қазақ тілінен «Жарқын болашақ» олимпиадасы

Химиядан мамандандырылған-бейіндік 10-11 (12) сынып оқушылары арасындағы Ә. Бектұров атындағы олимпиада

5-11 (12) сынып оқушылары арасындағы «Тарих ата» олимпиадасы

Өзге ұлт оқушылары арасында қазақ тілінен 5-11 (12) сынып оқушыларына арналған «Тіл – тәуелсіздік тұғыры» олимпиадасы;

9-11 (12) сынып оқушыларына арналған қаржы және экономикадан олимпиада

Қазақ тілі мен әдебиетінен «Абайтану» олимпиадасы;

Жасөспірімдер мен жоғары сынып оқушыларына арналған информатика пәнінен қалалық олимпиада

Химия пәнінен 8 сынып оқушыларына арналған республикалық олимпиада    Ереже

10 сынып оқушыларға арналған қалалық «Абай поэмалары жан әлемдік гуманизмге» олимпиадасы    Ереже

7-8 сыныптар оқушыларына арналған  ӘГҒ бағытындағы пәндер бойынша жасөспірімдер олимпиадасы

7-8 сыныптар оқушыларына арналған  ЖМҒ бағытындағы пәндер бойынша жасөспірімдер олимпиадасы

9-10 сынып оқушыларына арналған қалалық география олимпиадасы

 АР (Advanced Placement)  курсы немесе озық орынға ие болу –  университет деңгейінде оқуды қарастыратын   америкалық мектептердің жоғары сынып бағдарламасы. Бұл бағдарлама түлектерді жоғары оқу орындарына түсуге дайындайды. Бағдарламаны аяқтау нәтижесінде  алған бағаларды университетке түсер кезінде кредиттер (Credits) алу үшін қолдануға болады. Осылайша, жоғары сынып оқушылары колледж немесе университетте есептелетін бірнеше АР пәндерін таңдай алады. Бағдарлама бойынша емтихандарды жоғары деңгейде тапсыру арқылы оқу мерзімін қысқартып, ақша мен уақытын үнемдеуге болады.

Сонымен қатар, тест бойынша алған жоғары ұпайлары университетте (ЖОО)  оқыған кезде кейбір қосымша мүмкіндіктер береді (қандай мүмкіндіктер екені университетке байланысты). Мысалы, студенке пәндердің бірін оқыған деп есептеп, соның нәтижесінде  сабақ кестесіне кедергі келтірмейтіндей қосымша қызықты курс таңдауына болады. Бағдарлама екі жылға есептелген және оқушылар болашақ мамандықтарын таңдауда жоспарлаған пәндерді тереңдетіп оқыту көзделді. Оқушылар жоғары оқу орнының деңгейіндегі пәндердің мазмұнын меңгереді. Емтихандар тапсырады және жоғары оқу орнына түсу кезінде  қабылдайтын  оқу кредиттерін  алады. Advanced Placement курстары барлығына сәйкес келе бермейтіндігін ескерген жөн. АР курстары мектеп бағдарламасынан әлдеқайда көп уақыт пен күш жұмсауды талап етеді. Оларды меңгеру үшін таңдалған пәнге деген қызығушылық пен жоғары деңгейлі баға керек. Соңында AР курсынан өткен оқушыға жоғары оқу орнына түсу және оқу жеңіл болады. Advanced Placement курстары үшін маңызды пәндер: математика, биология, химия, экология, физика (College Board)

• Сыныптар: 9 – 11
• Сабақтар саны: аптасына 2 – 3 рет
• Сабақ болатын күндер : жұмыс күндері және демалыс күндері
• 1 сабақтың ұзақтығы: 120 – 180 минут
• Топта: 10 – 12 адам
• Оқыту тілі: ағылшын
• Форматы: офлайн, онлайн

Келер оқу жылының басында оқушылар төменде көрсетілген  АР курстарының барлығына  түсу емтихандарын тапсырады. Тек қана таңдалып өткен үміткерлер ғана АР курстарына қол жеткізе алады, бірақ  жылына 2 курспен  + АР семинарымен шектеледі.

Cisco желілік академиясы – заманауи технология мен оқыту әдістерінің күшін біріктіретін бірегей бағдарлама. Оқушылар мен мұғалімдер үшін жаңа мансаптық мүмкіндіктер ашу арқылы олардың өмірін және жалпы қоғамның өмірін жақсы жаққа өзгертуге көмектеседі. Академияның тату ұжымына кез келген ел қосыла алады. Ал біз осы жүйенің мүшесіміз.

EDUPAGE – веб және смартфонда қосымша ретінде қолданылатын онлайн журнал платформасы.

EDUPAGE мүмкіншіліктері мен функциялары:

• Сабақ кестесін құру және менеджменті.
• Құрылған сабақ кестесі жариялағаннан кейін сол мезетте хабарландыру ретінде барлығына бірдей жіберіледі.
• Сол кестеден әркім сабақ қай уақытта, қай кабинетте болатынын және пән мұғалімінің кім екенін көре алады.
• Сабақ кестесіне уақытша өзерістер енгізіп, дереу хабар етуге болады. Мысалы бір сабақ немесе мұғалім орнына басқа сабақ немесе мұғалім қойылады.

• Қарым-қатынас.
• Осы платформа арқылы әртүрлі хабарландырулар жіберіледі.
• Мұғалімдер сабақта кім бар-жоғын белгілей алады және ата-анаға бұл хабарлама келіп отырады.
• Мұғалім, оқушы, ата-аналар, мектеп администрациясы барлығы бір біріне хабарламалар жасай алады. Онлайн кездесу мүмкіндігі де бар.
• Бағалар.
• Осы платформада барлық электронды журналдың фунциялары бар. Бағалау, үй жұмысы, кері байланыс, комментарийлер жіберу.
• Онлайн оқуға шыққан оқушылармен жұмыс жасауға арналған құралдары  бар.

EduPage порталына сілтеме https://bilnurqyz.edupage.org/

«Дарынды қыз балаларға арналған «БІЛІМ-ИННОВАЦИЯ» лицей интернаты» КММ-сінің 10-11сынып оқушылары үшін ҰБТ-ге дайындық сабақтары ұйымдастырылады:

• Әр сенбі қосымша сабақтар өткізіледі;
• Екі аптада бір рет kz сайты арқылы байқау сынақтары өткізіледі;
• «БІЛІМ-ИННОВАЦИЯ» халықаралық қоғамдық қорының ұйымдастыруымен ай сайын байқау сынақтары өткізіледі;
• Оқушыларға пән мұғалімдері кері байланыс береді;
• Мамандық таңдауға байланысты кәсіби бағдар беру жұмыстары жүргізіледі;
• Байқау сыныптарының нәтижелері оқушыға да, ата-анасына да хабарланады;
• ҰБТ-ге дайындық сабақтары бойынша ата-аналарға жиналыстар өткізіледі;
• Ата-аналармен жиналыстар өткізіледі.