Лицейде тәрбие жұмыстары «Құндылықтарға негізделген білім беру» бағдарламасы бойынша жүзеге асырылады.

Бағдарламаны жүзеге асырудың негізгі кезеңдері:

1-кезең. Білім беру ұйымы әкімшілігінің жауапкершілігімен ұйымдастыру тобы құрылды. Ұйымдастырушы-жетекші топтың құрамында бола алады:

• педагогтар
• педагог-психолог
• әлеуметтік педагог
• әдіскерлер
• техникалық қызметкерлер
• ата-аналар
• білім алушылардың өкілдерінен тұратын жауаптылар

Жұмыс тобы білім беру ұйымында бағдарламаның орындалуына, лицей оқушыларының құндылықтарды меңгеруіне педагогикалық жетекшілік жасауға, оқу-тәрбие мазмұнына құндылықтар қамтылған қарым-қатынас орнатуға және қайта жаңғыртуға жауапты.

2-кезең. Оқу жылы барысында қолға алынатын құндылықтар таңдалады. Таңдау оқу-тәрбие процесіне қатысы бар барлық қызметкерлер, білім алушылар, ата-аналар пікірімен санасу арқылы жасалады. Бір құндылық кемі бір ай бойы дәріптеледі.
2024-2025 оқу жылының әр айға бөлінген құндылықтар:

ҚЫРКҮЙЕК – ЕҢБЕКҚОРЛЫҚ ЖӘНЕ КӘСІБИ БІЛІКТІЛІК АЙЫ
ҚАЗАН АЙЫ – ТӘУЕЛСІЗДІК ЖӘНЕ ОТАНШЫЛДЫҚ
ҚАРАША – ӘДІЛДІК ЖӘНЕ ЖАУАПКЕРШІЛІК АЙЫ
ЖЕЛТОҚСАН – БІРЛІК ЖӘНЕ ЫНТЫМАҚ АЙЫ
ҚАҢТАР – ЗАҢ ЖӘНЕ ТӘРТІП АЙЫ
АҚПАН – ЖАСАМПАЗДЫҚ ЖӘНЕ ЖАҢАШЫЛДЫҚ
НАУРЫЗ – ТӘУЕЛСІЗДІК ЖӘНЕ ОТАНШЫЛДЫҚ АЙЫ
СӘУІР – ЕҢБЕКҚОРЛЫҚ ЖӘНЕ КӘСІБИ БІЛІКТІЛІК АЙЫ
МАМЫР – БІРЛІК ЖӘНЕ ЫНТЫМАҚ АЙЫ

3-кезең. Ұйымдастырушы-жетекші топ құндылықтарды білім беру ұйымының оқу-тәрбие бағдарламасындағы барлық жоспарларына кіріктіруге атсалысады.

• Оқу бөлімі процестерінің барлық жоспарында мақсатты түрде орындалуына;
• Тәрбиелік шаралардың басты мақсаттары сол айдың құндылығына сай болуына;
• Пәндік бірлестік шараларының мақсаттарында және орындалу барыстарында;
• Ұжымдық шараларда;
• Ата-аналармен бірлескен барлық шараларда;
• Күнделікті айналымды жұмыс барысында көрініс беруне жауапты болады.

Бағдарламаны жүзеге асырудың шарттары мен механизмдері

Шарттары:

1. Бағдарламаны жүзеге асырудың ең басты шарты – үлгі, өнеге болу;
2. Ұжым мен ата-ананың бір мақсатта бірлесе жұмыс жасауы;
3. Сабақтарды берілген құндылықтар негізінде өткізуі;
4. Жақсы қасиеттер «Мен айтқандай істе» тұрғысында емес, «Мен сияқты істе» тұрғысында берілуі

Механизмдері:

• Әр айдың басында оқушыларға, ұжымға ай құндылығы жайында толық ақпарат беріледі.
• Білім беру ордасын ай құндылығына қатысты көрнекіліктермен безендіреді.
• Құндылық тақырыбына сай іс-шаралар ұйымдастырылады.
• Оқушылардың құндылықтарды күнделікті өмірде қолдануына жағдай жасалады.
• Құндылықты дәріптеу жұмыстарында ата-аналарды қатыстырады.
• Әр айдың соңында оқушылардан құндылықты меңгергендігін анықтау мақсатында кері байланыс алынады, сынып іші жұмыстарына анализ жасалады.
• Өткізілген құндылық айының қорытындысы жасалады.

BIL.SURA – өз саласының үздіктері мен түрлі салада жетістікке жеткен адамдарды оқушыларға үлгі ретінде қонаққа шақырып, сұхбат алу, тәжірбиелерімен бөлісуге арналған бағдарлама.

Мақсаты: оқушылар табысты адамдардан жақсы үлгі-өнеге алып, өз тәжірбиелерінде пайдалану, дұрыс бағыт-бағдар көрсету.

BIL.SURA бағдарламасында сан түрлі саланың үздіктері қонақта болды.

Айтап айтсақ,

Тұлғаның жалпы мәдени мінез-құлық дағдыларын қалыптастыру, тұлғаның өнердегі және болмыстағы эстетикалық нысандарды қабылдау, меңгеру және бағалау әзірлігін  дамыту мақсатында мектебімізде тегін үйірмелер жұмыс жасайды. Әр үйірменің оқушыларымызға үйретері мол. Үйірме жетекшілері мен тәрбиешілер әр аптаның белгілі күндерінде оқушылардың уақытын тиімді пайдалану мақсатында үйірме сабақтарын өткізеді.

• “Media Club”: оқушыларымыз заманауи видеороликтер түсіру, түрлі фотоларды монтаждауды үйренеді.
• “Art Club”:  түрлі-түсті бояулармен өз қиялдарын бейнелейді.
• “Animal rescue Club”: үйірмесіне арнап, жан-жануарларға да көңіл бөліп үлгереді.
• “KZ Debate”: Оқушының ой-өрісін дамыту, іздендіру, мәдениеттілікке тәрбиелеу мақсатында  үйірмесіде өз жұмысын жасауда.
• “Dance club”: Жастар арасындағы кәсіпқой би­ші­лерді анықтап, шығармашылық өсуіне жағдай жасау үшін үйірмесінің есігі әрқашан ашық.
• “Charity club”: Қоғамда, өскелең ұрпақ арасында мейірімділік, қамқорлық сезімін қалыптастыру, әлеуметтік жағдайы төмен, аз қамтылған отбасынан шыққан балаларға көмек көрсету, достық, бірлікті нығайту үшін үйірмесі үнемі жұмыс жасайды.
• “Волейбол”: Жаттығу арқылы командалық рухты нығайтып, дене шынықтыру мен ептілікті арттыратын үйірме.
• “Еркесылқым” ансамблі: Оқушылар ұлттық аспапта ойнауды үйреніп, ансамбль құрамында домбыраның сиқырлы әуенін орындайды.
• Read Maze Club: Оқушылар қызықты кітаптарды оқып, өзара талқылап, әдебиет әлеміне саяхат жасайды.
• Баскетбол: Жаттығу арқылы командалық рухты нығайтып, дене шынықтыру мен ептілікті арттыратын үйірме.
• Шахмат: Логикалық ойлауды дамытатын, ақыл-ойды жетілдіретін стратегиялық ойындар үйірмесі.
• Тоғызқұмалақ: Оқушылар ұлттық ойын арқылы есептеу дағдыларын жетілдіріп, зияткерлік қабілеттерін шыңдайды.
• Language Club: Француз, корей, түрік және неміс тілдерін үйренуге мүмкіндік беретін, тілдік дағдыларды жетілдіретін клуб.

Мектебіміздің кітап оқу жүйесі

Сынып ішінде оқушыларды кітап оқуға бағыттау үшін төмендегідей іс-әрекеттер ұйымдастырылған:

1.     Күнделікті 20 минуттық кітап оқу уақыты бекітілген.
2.     Оқушылардың кітап оқуын сынып жетекшісі немесе cол уақытта сабағы болған пән мұғалімі қадағалайды.
3.     Бұл уақытта мұғалім өзі де оқушылармен бірге кітап оқиды.
4.     Әр сынып жетекші өз сыныбында оқылатын кітаптар тізімін шығарады.
5.     Кітаптардың түпнұсқасы мен электронды түріне қолжетімді жағдай жасалады.
6.     Әр айдың соңында сынып ішінде оқылған кітаптарды талқылап, эссе жазып немесе қызықты тұстарымен бөліседі

Лицейде  «KITAPP» қосымшасы қолданылады.

Бұл қосымшада осы жазылған іс-әрекеттердің барлығын бірден орындауға болады. Қосымшаны қолданудың мынадай тиімді жақтары бар:

• 4 тілде әр түрлі жанрдағы әдеби кітаптар тізімі берілген;
• Күнделікті оқу прогресін көре алады;
• Кітапқа пікір қалдыра алады және өзгелердің пікірін оқи алады;
• Хабарландыру мен ынталандыру жаңалықтарын оқиды;
• Емтихан тапсырып, ұпай жинай алады;
• Ұпай сандары арқылы оқу деңгейін көтере алады;
• Апталық және айлық нәтижелерін бақылай алады;
• Өз көрсеткішін өзгелермен салыстырады;
• Сынып, мектеп, республика бойынша көрсеткіштерді көре алады;
• Қосымша арқылы сынып жетекші мен ата-ана оқушының кітап оқуын бақылай алады.

Сіз ұлыңызды немесе қызыңызды тек өзіңіздің ата – аналық қуанышыңыз үшін ғана тәрбиелеп жатқан жоқсыз. Сіздің отбасыңызда және сіздің басшылығыңызда болашақ азамат, болашақ қайраткер және болашақ күрескер өсіп келеді. А. С. Макаренко Осы құндылықты дәріптеу мен насихаттау мақсатында лицей-интернат жұмысындағы негізгі ұстанымдардың бір бөлігі болып ата-аналармен байланыс жасау жұмысы жатады. Әрине қандайда бір жетістікке қол жеткізу үшін біздер мұғалім-ата-ана-оқушы болып бірлесе жұмыс істеуіміз қажет. Тәрбие жұмысының табысты болуының басты кепілі мектеп пен ата-аналар арасындағы ынтымақтастық қарым-қатынаста. Осындай үлкен мақсаттар жолында мектебімізде «Әкелер кеңесі» мен «Аналар алқасы» жүмыс жасауда. Бала әкеден-ақыл, анадан- мейір алып өседі. Бұл жобалардың басты мақсаты жас ұрпақты бірге тәрбиелеу.

«Әкелер кеңесінің» мақсаты-отбасылық құндылықтарды дәріптеу, әкелердің бала тәрбиесіндегі жауапкершілігін арттыру, педагогикалық ұжымға қолдау көрсету, тәрбиеленушілерге әкелік қамқорлық танытып, «Әке-отбасының тірегі» екенін ұғындыру. Әкелік қамқорлықты, қолдауды жалпы мектепке сездіру. Сонымен қатар мектепішілік және аудандық, қалалық әртүрлі іс шараларды ұйымдастыру. «Әкелер  кеңесіне» әр сыныптан белсенді бір немесе екі әке мүше бола алады. Жыл сайын мүшелер саны қосылып отыру керек. «Аналар кеңесі» тәрбиеленушілерге Аналық қолдау мен мейірімді мектеп қабырғасында да әртүрлі іс шаралар арқылы сезіндіру. Кеңес апталық, айлық, тоқсандық, жылдық болып бөлінетін әртүрлі іс-шаралар арқылы аналарды мектеп өмірімен тығыз байланыс орната отырып, тәрбиеленушілерге жағымды әсер қалдырып, үлгі болу. Ата-аналармен жасалатын іс-шаралардың өзінше мағыналы, сан түрлі болуы тәрбиеленушілерге жан-жақты болуға әсер етеді. Ата-аналармен байланыстың келесі бір өзектілігі Құндылықтарды оқушы бойына сіңіруде бірігіп жұмыс атқару. «Аналар алқасына» негізгі ақылдасу тобына әр сыныптан ерікті аналар мүше бола алады, жалпы Аналарға арнайы апталық жасалатын іс-шараларға /активителерге/ барлық аналар қатыса алады.