Мектеп туралы – Қош келдіңіздер

Мектеп тарихы

2003 жылы Қазақ-түрік қыздар лицей-интернаты болып ашылды.

2004 жылы Астана қаласы «Дарынды қыз балаларға арналған қазақ-түрік лицей-интернаты» ММ мәртебесі берілді.

2016 жылы Астана қаласы «Дарынды қыз балаларға арналған қазақ-түрік лицей-интернаты» коммуналдық мемлекеттік мекемесі мәртебесі берілді.

Лицей алғаш рет № 17 орта мектептің ғимаратында ашылды. 76 оқушы қабылданып, 7 мұғалім, 3 тәрбиеші алғашқы директор Хикмет Тюркханның басшылығымен жұмыс бастады.

Лицей 2004 жылдан 2013 жылға дейін № 48 мектеп-лицей ғимаратының ІІ қабатында жұмыс жасады.

2013-2015 оқу жылдары лицей №72 мектеп-лицейінің ІІ,ІІІ қабатының 1 қанатында жұмыс жасады.

2015-2018 оқу жылдары №81 Astana English School ғимаратының ІІІ қабатында жұмыс жасады.

2018 жылдың 1 қыркүйегінен бастап лицейге бірінші рет Астана қаласы, Бердібек Соқпақпаев көшесі, 17-де орналасқан жеке ғимарат берілді.

Лицейде 494 оқушы оқиды. 21 сынып – комплект. 56 педагог кадр қызмет жасайды.

Лицей тарихында із қалдырып, еңбек еткен директорлар:

2003-2005 жылдары – Хикмет Тюркхан
2005-2007 жылдары директор – Серкан Хастүрік
2007-2008 жылдары директор – Дурсун Каплан
2008-2009 жылдары директор – Бирол Каракую
2009-2012 жылдары директор – Юнус Гунеш
2012-2015 жылдары директор – Таймағамбетов Қайрат Серікбаевич
2015-2018 жылдары директор – Сламбеков Ерлан Талғатбекович
2018-2019 жылдары директор – Таймағамбетов Қайрат Серікбаевич
2019-2022 жылдары директор – Қожахметов Қуат Бағдатович
2022-2024 оқу жылдары директорлық қызметті Уркимбаев Рахим Халилуллаевич жалғастырып келеді.

Мектеп миссиясы

Заманауи білім мен адами құндылықтарды бойына сіңірген, бәсекеге қабілетті ұрпақ тәрбиелеу

Мектеп құндылықтары

Академиялық адалдық

Дамуға бағытталған қауымдастық

Бәсекелестік

Сыни тұрғыдан ойлау

Құрмет

Үздіксіз даму

Жаһандық азаматтық

Мектеп слоганы

САПАЛЫ БІЛІМ, САНАЛЫ ТӘРБИЕ

Басқарма

Лицейдегі оқу-тәрбие үрдісі Қазақстан Республикасының Оқу-ағарту министрлігімен бекітілген Қазақстан Республикасындағы лицейлердің жұмысын ұйымдастыру тәртібі туралы қағидалар мамандандырылған білім беру ұйымдары қызметінің үлгілік қағидаларына сәйкес жүргізіледі.

Мекеменің құрылтайшысы, сондай-ақ оған қатысты субъектінің функцияларын, оның мүлкіне қатысты құқығын жүзеге асыратын орган Астана қаласының әкімдігі болып табылады. Мекемені басқаруды жүзеге асыратын орган «Астана қаласының Білім басқармасы» мемлекеттік мекемесі болып табылады.

Мекемені педагогтермен қамтамасыз ететін, ұйымдастырушылық, әдістемелік, психологиялық қызметте қолдау көрсететін орган «Білім-инновация» халықаралық қоғамдық қоры болып табылады.

Лицей қызметі Қазақстан Республикасының заңнамасы және мектеп Жарғысына сәйкес реттеледі.

Қазақстан Республикасы Оқу-ағарту министрлігі

Астана қаласы әкімдігі, білім басқармасы

“Білім-Инновация” Халықаралық қоғамдық қоры

CIS туралы

Біздің мектебіміз қазіргі таңда CIS (Council of International Schools) Халықаралық Мектептер Кеңесіне үміткер болып табылады.

CIS деген не?

Халықаралық мектептер кеңесі – жоғары сапалы білім беру стандарттары мен жетістіктерін негізге ала отырып, мектептерді аккредиттеуге бағытталған коммерциялық емес ұйым. Қазіргі уақытта 123 елде 700-ден астам мүше мектеп пен 200-ден астам университет бар.

Неге CIS?

Мектепті үздіксіз дамытуға бағытталған жүйе;
Нақты мақсат пен бағыт;
Халықаралық деңгейде танылу;
Оқыту сапасын басымдыққа алу;
Білім алудың негізі ретінде қауіпсіздік пен денсаулыққа көңіл аудару;
Отбасы/оқытушы құрамының қолжетімді білім сапасына кепіл болуы;
Мектептің болашағы үшін жоспарлы жұмыс жасау;
«Біз айтсақ орындаймыз» ұстанымы;
Оқушымыздың сапалы білім алуына жағдай жасау.

CIS аккредитациядан өткен мектептер төмендегі бағыттарда жұмыс жасайды.

Жаһандық азаматтық, денсаулық, үйрену үдерісі, мақсат және бағыт.

Лицейіміздің қазіргі таңдағы CIS мүшелігіндегі орны:

BILNuqyz 2021 жылы CIS мүшелігіне өтініш берді. 2021 жылдың сәуірінде CIS аккредиттеу тобының бірінші виртуалды тексеруі болды. Үміткер мектептер аккредитациядан өту үшін 3 кезеңнен өтеді. Біз қазір Membership сатысындамыз. Біздің алдағы мақсатымыз – 4 жылда СIS мүше мектебі атану.