15.12.2022ж. сағат 10:15-те  лицейіміздің ұстаздары және қызметкерлеріне

діни экстремизм мен терроризмнің алдын-алу бағытында

«Эвакуация ( антитеррор)» оқу жаттығуы өткізілді.

Оқу жаттығуын ұйымдастырмас бұрын нұсқаулық сурет арқылы жіберіліп,

лицейіміздің барлық оқушылары, ұстаздары мен қызметкерлері түгел танысып шықты.   

Бұл іс-шара өзінің және басқалардың қауіпсіздігі үшін маңызды екендігін түсінді.  

Жауаптылар белгіленіп, өз міндеттерімен танысты.

«Пицца келді» құпия тіркесін естігеннен жаттығудың басталғанын білді.  

Әр пән мұғалімі дабыл кезінде сабақ өтіп жатқан сыныбының оқушыларына жауапты екенін сезініп,

төтенше жағдайларда ғана қолдануға болатын кабинет есігінде бекітілген кілтпен ішінен жауып алды.

Кабинет пердесін түсіріп, оқушыларды кабинеттің сыртынан көрінбейтіндей етіп отырғызып,

кабинет жарығын және компьютер мониторын сөндіріп, оқушылардың тыныштық сақтауын қамтамасыз етті.

Жаттығудың шарттары орындалған соң, 10 секундтық видеоға түсірілді.

      Оқу жаттығуы аяқталғаннан кейін ұйымдастырушылар тарапынан SWOT-анализ жасалды.

Жаттығу 15.12.2022  сағат 10:15-те басталып, 7 минутқа жалғасты.

 

ЖАҚСЫ ЖАҚТАРЫ	ӘЛСІЗ ЖАҚТАРЫ
1.Жоғары сынып оқушылары жаттығудың маңызын жақсы түсінген. 2. Өз қауіпсіздігі үшін барлық шарттарды кей сыныптар орындаған.	1. Кабинеттерге ілінген кілттер жоғалып кеткен. 2. Төменде берілген кабинеттердің кілті ашпайды. 3. Құпия тіркес В блокқа естілуі әлсіз. 4. Төменгі сыныптарға ақпарат дұрыс жетпеген.  5. 10 Б, Ж сыныптары мұғалімсіз бос отырды. 6. Нұсқаулықпен толық таныспаған мұғалімдер болды. 7. Кілттер берілген тізім бойынша жасалмаған.
МҮМКІНДІКТЕР	ҚАУІПТЕР
1. Кабинетке ілінген кілттердің орнында тұруының маңызын түсіндіру; 2. Дұрыс емес жасалған кілттердің тізімін шығарып, шаруашылық бөліміне дұрысын шығаруды тапсыру; 3. Ғимараттың барлық бұрышына естілу үшін дабыл дауысын қосу; 4. Мұғалімдердің нұсқаулықпен танысуын толық қастамасыз ету.	Оқушылар кілтті алып, мұғалім болмаған кезде іштен жауып алу.